Aðstoðarflugmaður!

Enn einu sinni eru fáfróðir blaðamenn að troða ranghugmyndum í almenning. Þessi fréttabúningur segir fólki að flugstjóri sé alltaf reyndari og flinkari en heimskur aðstoðarflugmaður. Það geta verið allar samsetningar á þessu. Aðstoðarflugmaður er ekki rétt heiti. Flugmenn aðstoða alltaf hvorn annan, eftir því hvor flýgur. Flugstjóri hefur þó alltaf síðasta orðið og ber því meiri ábyrgð. Hjá flestum flugfélögum fljúga flugmennirnir jafn mikið, þ.e. hvor flýgur annað hvort flug. Flugtími og reynsla fer ekki endilega eftir stöðu flugmanns. Flugmaður nýráðinn hjá félagi byrjar yfirleitt sem fyrsti stýrimaður og getur hann verið með tvöfalt meiri flugreynslu en flugstjórinn, sem er þó örugglega með nógan tíma til að sinna sínu starfi. Hann er búinn að starfa lengur hjá félaginu, en þannig er mönnum í flestum tilfellum raðað í störfin.

Kæru blaðamenn. Vandið ykkur við ykkar starf ykkar og reynið að halda ykkur og lesendum frá heimskulegum ranghugmyndum. Þessi tiltekna frétt á ekki heima í Morgunblaðinu. Hún segir ekki neitt.

Aðstoðarflugmaðurinn var við stýrið

Athugasemdir

[Ómar Ragnarsson, 29.1.2015 kl. 10:49]

Allt er þetta sat og rétt hjá þér en ekkert kemur fram í fréttinni um það að það hafi skipt meginmáli út af fyrir sig, hvort skráður aðstoðarflugmaður flaug eða ekki, heldur aðeins greint frá því að sá, sem var skráður flugstjóri (pilot in command) í fluginu hefði haft mun meiri reynslu sem flugmaður. 

Það minnir svolítið á það þegar AF 447 fórst á Suður-Atlantshafi. Flugstjórinn svaf aftar í vélinni og kom ekki fram í fyrr en meira en mínútu eftir að aðstoðarflugstjórinn missti stjórn á vélinni. Á leiðinni niður var flugstjórinn fyrstur til að sjá hvað gæti í raun verið að gerast, en þá var það of seint. 

[Eggert (IP-tala skráð) 29.1.2015 kl. 15:50]

Þetta minnir reyndar ekkert á AF447 ... ennþá.  Það hefur ekkert komið fram um að flugstjórinn hafi ekki verið fram í.  Einungis illa skrifuð frétt, þar sem sá sem hana skrifar virðist ekki hefa nokkurn skilning á því hvernig hlutverkum er háttað við stjórn flugvél.