Röng staðhæfing.

Er ekki kominn tími til að skóla þessa greinarhöfunda hjá mbl.is. í þessari grein stendur: Það var í apríl sem dóttir hans, ásamt 218 öðrum skólastúlkum var rænt af skæruliðum Boko Haram. Þetta er bull! Rétt er að skæruliðar Boko Haram rændu stúlkunum, en það rændi þeim enginn af skæruliðum Boko Haram, þó væntanlega verði það gert fljótlega.

„Þetta eru slæm jól“

Athugasemdir

[Jón (IP-tala skráð) 24.12.2014 kl. 10:19]

Og í leiðinni mætti greinarhöfundur sýna örlítinn metnað í íslenskum stíl..

Þú segir ekki elska að læra og elska að fara alltaf í skólann. Léleg íslenska. Sjálfsagt verið að mundast við að þýða úr ensku af veikum mætti.

Og hvað er þetta...umhyggjusamt elsta barn...??

Reif hjartað í sundur á mömmunni. Þýðingarrugl aftur.

...en núna er eitt okkar ekki hér. Vá.

[Halldór Egill Guðnason, 24.12.2014 kl. 11:25]

Mætti á stundum halda, að annari hverri erlendri frétt sem birt er, sé rúllað gegnum "google translate" og sett beint í umferð, svo fáránlega eru margar fréttir orðaðar hér á mbl, sem og öðrum ritmiðlum. 

[Óskar, 24.12.2014 kl. 11:39]

Verð nú að koma mbl til varnar hér aldrei þessu vant.  Það er bara ekkert að þessu orðalagi og ég held að flestir sem skilja Íslensku sæmilega hljóti að sjá það.  Hefði þó viljað sjá atanda Það var í apríl sem dóttur hans,
semsagt dóttur en ekki  dóttir.

Annars er það alþekkt málvenja að segja að A hafi verið rænt af B þegar átt er við að B hafi rænt A.  Ekki flókið og auðskyljanlegt...flestum.

[Gústi (IP-tala skráð) 24.12.2014 kl. 12:24]

Göngumaður var skotinn af byssumanni. Göngumaðurinn hefur þá væntanlega staðið á byssumanninum þegar einhver skaut hann af honum samkvæmt þínum skilningi. Og hvernig er það þegar þú tekur mynd af fjalli, verður fjallið ekki fúlt?

[Ómar Gíslason, 24.12.2014 kl. 13:14]

Er ekki aukaatriði orðið aðalatriði? Hvað með fréttina sjálfa?

[Helga Kristjánsdóttir, 25.12.2014 kl. 21:14]

Er þetta þá "nefnifallssýki" dóttir/ur? Alltof algengt.